.[ مطـآر ] .. ونـآس تحجـز للـ / مفـآرق .. عمــد !!

**D@Rk_GuY** · 03-14-2008, 07:13 AM

.
.
.

هذا أنا جيتك ..
وفي عيوني .. [ جرح خوف ]
إيه خوف ..
والله خوف ..!

.
.
.
.

جيتك وفي قلبي أنا / مليوون علّه .!!
جيتك .. هموم تعسف القلب والعين .. !!

.
.
.
.

لا مقدمه للـ ألم ..
هو لكم .. كما هو !!

.
.
.
.

صباحك خير
صباحك غير
صباح الدفتر الوردي ..
صباح الحلم ..
صباح النور ..
صبآح الجآمعة والسور
صباحك آهـ مايمدي !!
أنا وحدي !
أتمتم ... نوووور .. !
صباحك نور ..
صباحك غير .. / صباحك خير ..
صباح النور .. والنوير ..!
صباحك .. دقّت الساعة ..
ألم .. ساعة
وجع .. ساعة
تعب .. ساعة
صباحك : قمـّة اوجاعة ..!
صباح الضحكة لاطارت ...!
وماصارت .. !
صباح البسمة لامسّت نسيم الصبح .. !
واحتارت ..!
صباح احلى .. خطاويها ..
أمانيها ..
صباحي يومي .. أناديها ..
صباحي غير .. بشعورك ..
صباحي ( دج ّ ) ! في نورك ..
صبـآح مـــاااات بـ الشيلــه !!
وياويله ..
إلا من .. شاف ( تايورك ).. !!
صباح ( الحر ّ ) و ( الزحمة ).. !
صباح ..
وأطلب الرحمة ..!
صباحك أنفاسك العذبة ..
وزينك ( شحمة ) و ( لحمة ) ..!
صباح ( اريال )
صباح ( اعيال )
صباح الهولو واليامال ..!
صباح ( اشلونك )..
و ( كيفك ) ..
صباح ..( اعقالي الميّال ) ..!
صباح الشارع الفاضي ..
وانا مستقبلي / ماضي ..
صباح الثرثرة هذي ..
و(عطرك ) .. ياآخر امراضي ..!
صباحك ( توت ) لا ( ياقوت ) ..
صباح ( الموت ) بعيونك ..
و( صبحك بالعيون ) .. الموووت ..
صباحك / غير.. !
صباحك / خير ..!

.
.
.
.

رحلت و خطوتك ترسم على اعشاب الربيع هموووم ..
واعواد السنابل هدّها / حزني على ترابك ..!
عجزت ارسم على غيم الوداع وصالك المعدوم ..
وانا ألمح ‘ ما بقى , مـن دم يدّيني على بابك ..!
تخيّل ..! لا ذبل حيلي .. من اللوعه وقلّ النوم ..
تجيب عيوني اطيافك .. واشد الحيل .. واسهى بك ..!

.
.
.
.

بعد ماكنت أنا ميت لقيت البعث في وجهك
لقيتك في : أديم الحس : شاطـيء فتّت صخورهـ
لقيتك تشرق ؛ كوكب سمااا ؛ مخلوق من حسّك
غلبت غطرسة جرحي وصرت عالمي ونورهـ
تنط عروقي ( الكسلى ) واحط فـ شنطتي قلبك
واجي تلميذ يتعلم / أصـول الوجـد وسطـورهـ
أحبك وانت ادرى / اني أحب الحب فـي حبك
وانك ~ مدرسة قلبي ~ وفصل العشق وحضورهـ

.
.
.
.

على كثر القلوب اللي أحبها .. ما بكى لي قلب ..!
على كثر الشعور اللي ذرفته / مـا بقـى إحسـاس
مشاعر من قسا وقتي / قست ع العاشق اللي حَـب
أسمّمهـا عباراتـي .. وأسقيـه المـرار بـ كـاس
خلاص اشتاقت الرحله تحـط رحالهـا وتغـرب
أحس إني بهـ العالـم فصيلـه غيـر هـ الأجنـاس !!
عرفت إن القريب أصبح غريب .. وبـ الأصل × عقـرب ×
وهذي مشكلة وقتي .. ][ طعوني مـن أعـزّ النـاس ][ ... ,

.
.
.
.

واغنـــي بـك / سحـــاب ابيض .. !!
تطيح من السمــا ..
غيمــــة !
واجـي لــك منتــشي كــلي !
أســوي لـ حضرتــك .. !
قيمــــة !
وانوّرس لك .. فضاءاتي ..
ولابـك للأسف .. !
شيمـــة

.
.
.
.

جريح ودمعتي تكفي عن جروحٍ تشبّ احشاي..
.......................... تبوق الحزن وتخطّه على خدّي كما بلّور ..

وأنا وشـ عاد لو يبكي من من جروحي حزين الناي
..........................كذا طبع الحزن ماله على قول البشر دستور

حبيبي يابخل غيمة هواك .. وياكبر قفراي ..
...................تمر بها [ ولاااااكنّك تشوف ] ...وتبتعد مغرور ..!

ياليت تشوفني .. لاشفت طيفك يبتسم لي جاي
.....................وياليت تحس بي لا اقفى عن عيوني وانا مقهور !

أنا مشتاقلك كثر الشماتـه في وجيه أعداي ..!
........................... كثرما غبت وتساوى فــ عيني / ليلها والنور

حبيبي تختلف معك الحروف ويرتجف معناي ..
.............................أمانه لاتحاسبني على ذنب ٍ بدون شعور..!

حبيبي ليت تدري كيف شلت قليبي بــ يمنـاي
.......................ولو أقدر / خفوقي مايردهـ عن وصالك سور ..

تعبت اطرد سرابك واحسب انه في طريقي ماي
...........................الين الوقت غيّب خنجرهـ في قلبي المغدور..

تهدّمت .. ونشف دمّي .. وأنا ماغير ألمّ أعضاي !!
..........................أقضّي العمر وعروقي ظمايا...والحنايا بور !!

على غصن الأمل ماتت طيور ٍ روحها [ رجواي ]
..................عقب جف الغصن وأضحى حزيـــن ( ومايشيل طيور) !!

صدفتك وأسبل الجرح القصيد ... ومابقـى بـ شفاي
........................سوى [] بسمه حزينه [] ماقوت تكشف لك المستور !

.
.
.
.

أعرفكْ ، والذّي والله كسرني مبْ كسـر لـِ زجاجْ
ما عادِ الريح لا جابتْ حَكِيْك أبسِمْ .. ولا أطـيافـكْ
تغيّر خافقي , وأبشِرْ .. حكمْ قلبي عليك ( إفـراج ) ..
رحيلكْ آخر أحلامي ولكنْ ؛؛ ذقته ازعافـكْ !
تجي .. نحرق ثبوت الشيْ ,نكتبْ عَ الدخول إخراجْ
عشان اللي بدى منّك ، مصيرهـ من زمنْ طافـكْ !
تجي نضحكْ على زفرهـ خذت من حرقتك منهـاجْ ؟
أَوِ المكتوب يا سيدي [ جروح ] ودّمهـا خافِــكْ !
مَـ أظنّ الدمّ وعروق المنايا لـه دليل اسـراجْ
مَ غير الحلم , والقاف الصغيرة .. والحـلا عافكْ !
تفضّل ...... رِحْ عسى تلقـى زهوره فل ٍ و رتّـاجْ
تعمّد تصرخ بـ وجهي .. وسِقْ لي موت [ سيّافكْ !]
إذا ناديت في جنح السّواد بـ كلمة الـ " محتااااجْ "
وقلّي يا طفل ْ روّح .. و دير الوجــه واكتافــكْ !
وَعَدْ .. ساعتها راح أقسى وأصيـر المِنوِرِ الوهّاجْ
وقلّ للي سأل ويني : ( طفـولـة صدقها زافِـكْ !! )
ولو أغليت لك غيري ، علـّيه إحكم الـ اسياجْ ـ
بلا عهد ٍ تجيني به .. و[ لا تطــري لهـا احلافـكْ !]

.
.
.
.

تعبت أصبر ..،

وطالت حيرتي وياك ..

ما بين إنك بـ ترجع لي ..،

وما بين إن الزمن قسّاك ..,

وما بين إني أطاوع نكبتي ..،

من جفوتك ..، وانساك ..!!

تمنيت بـ وعد ..،

تبري لي جروحي ..

تحقق لي أمل ..،

تشتاق له روحي ..,

وإذا عز الوصل ..،

أدفــى .. بـ حضن .. ذكراك ..

وأشيلك للــ ظما / قطرهـ ..,

وأقول يــرد ..،

والغايب .. معاهـ عذرهـ..!

وأظل دوم بـ رجــا / فرحــة لقـا ..,

ويّـاك ..,

واحلم ..، وأنتظر وعدك ..،

يحط ولهان في أرضي ..،

ولا ألقاك !!

ووين .. ألقاك ؟!

وأنا اشقاني التفكير ..,

بين إنك بـ ترجع لي ..،

وما بين أنســــــــــــــــــــاااك !!

.
.
.
.

ياخلّي ..
ماقدرت أبعد ..،
و لا علمتني أنسى !
و لا علمتني أنسى !
و لا علمتني أنسى !
ولا أحد ٍ حولي من ربعي ..
أشد فيه الظهر ..
و ..
أقسى !
وحيدة ..
آنا وطعوني ..!
وكل أحبابي باعوني !
محد فيهم بــ قلبه خير ،
في عز أحزاني..
خلّوني !
بعيييد هناك ،
و تناظر !
وقلبي يكسر الخاطر ..،
وحيدة أنتظر ..
إيدك ..،
تخلّصني من جراحي !!
متى بيمرّني ...
عيدك ؟!
وألبس كل أفراحي ،
عطيتك قلب كل خوفه :
تبيع ! وإنت شايفني ،
أمد إيديني ...،
ملهوفة ،
وتمشي وإنت تكسرني !
وتمشي وإنت تكسرني !
وتمشي وإنت تكسرني !
لأن اللي تحب شوفه ..،
حبيبي / للأسف !
ضعفي

.
.
.
.

لا متى ..
وانت بعيد
هناااااك ..
وانا فـ الشط المقابل ..
حــيْ مــيـْـتْ ..!
ولااهتنيت
بـ لحظه في عمري بدونك ..
لا متى ..
واحنـا كـذااا ؟!
لا متـــى
لا متــى
واحساسنا المرهف شجاااع
بـس طفــــل
قبل يووووقف
خطوته تصدمها ريح
وإيطيح ..
والدروب اللي مشى فيها تصيح
لا متــى ..
ما يصيح ..
لا متى ..
واحنا نعيـش..
ننتظر لحظة نمووووت !
يعني نتنفس حياااهـ ..,
ريحــة أمـواااات بـ تابوت ..
لا متى ..
واحنا أحياء ونموووت !
لامـتى ..
وانـت وانا ..
نلتقي .. ما .. نلتقي !
شطنا يبعد بنا ..
ودروبنا وظروفنا ..
واحسااسنا ..
اللي يقوتنا ..
كل الأشــياء ضدنا ..
حتى الحيااااهـ
بختنا في بختنااا !
يا بختنا ..!!

.
.
.
.

مابي ابكي ..!
خلني في حزن .. / يمكن استقيم ..
خل همي يسكن عروقي .. ويتـْوسد بـ عين
شوف سيني صار جيم !
شوف ليلي صار هم ..,
وشوف صبحي صار / غيم ..,
كل شي صاير / يثير الدمع .. ليه ..؟!
وكل ضي ٍ ماورَد نبضي عليه ..
وكل عرق ٍ ماتشظى من سكون الصدق فيني ..
.. ][ دمعتــي .. منــه .. عقيـــم ][ ..

.
.
.
.

**D@Rk_GuY** · 03-14-2008, 07:15 AM

tab3
7
7
7

صحيح ان الهوى حزمة مشاعر أضجرت شاعر
هذا آنا الذي شاخت جروحه من عنـا أسبابـك
غريبة والألم سكيـن رايـق للعنـا شاهـر..
جروحٍ من تلال الضيق طاحت تعلـن آطيابـك
وبديت اكتب ملامح صورتي كـ الحاضر الساخـر
وانسف كل شبابيك المحبـة واكسـر ألعابـك
تعالي برري كل الغياب اللـي يجـي .. حاضـر
وقولي قلبي المسكين مرهـ إيش سـوّى بـك؟!!
أنا اللي كنت لك بحر الشعور الوافـي الخاسـر
بعينك وين ماغبتـي أنيـن بـ صـوت محرابـك !!

.
.
.
.

بقى بعدك أمل وإحساس بـ إنك راجع ٍ بعدين ..,
ياليتك ماخذ ٍ .. حتى [ الأمل ] .. في ليلة غيابـك ..!

.
.
.
.

مادام إن المطر نعمة تعال واغسل لي .. دنيـاي
سنين الجدب من عمري تهاوت من سما غيابك
تعال واحضن .. جروحي وأنا زادت بيا بلـواي
أروّض كل حياتي صبر واسكن راحة هضابـك
عيوني يا بعد كلي كبر همـي كثـر شكـواي
حضنته لين مانادت عيونـي طرقـة أبوابـك
سنين الملح والتذكار ..صهوة خيلك بْأقصـاي
وشباك النهار الساكن بـ ضلعـي ..هنـا جابـك
رحلت آطوّع الأيام أجمـع طيفـك ..لـ أشيـاي
غريب الحظ ما يسكن ولا يعشق سوى / أهدابك
وأنا أقسم على عهدي وطيشك زارني بْـ منفـاي
وهذي سكة أحلامي شوارع تحفـظ.. ترابـك
مادام إن المطر باقي طلبتـك ارحم دنيـاي
سنين الجدب من عمري سقاها الشوق فـ غيابك ..!

.
.
.
.

ياربيع الوقت : تكفى !!
لاابتعد ... ظلمك .... وقفّى
" ضمّها " جروحي ؛؛ وتشفى ..!!

.
.
.
.

صعب في هـ الزمن ../ إني أعيّش /.. وكيف اعيش
..................... وانا شكيت ولا لقيت اللي فهم شكواي..!!

وقتي ../ يعرف إسلوب الغدر ../ والعكر / والتطفيش
................... رماني .. فـ دربـْ الضياع / وصرختي سلواي

قسى على باقي طموحي ../ ما يعرف التغشيش
...............................وضيّق مكان يلمني / مالمني مأواي

وأنا مثل ماتشوفـ .../ أتنفس / وبـ خلقتي درويش
........................قدْرتـ أحدد علتي / وما قلتـ هــــــذا دواي

وراح الأمل قفّى ../ ولا يخجل من التطنيش ..!
...................... وخلاّني بين الألم قاع / والمطرقة نجواااي

يضيق القلبـ في ضيق القلوبـ .. وكثرة التشويش
............... نسفني من ورى سور الظلام / وبارقة رجواي ..,

.
.
.
.

عَلَى ذَاك الرّصِيْف اللي رسَمْ فِي مَحْجرِي همّه
يذُوْب العُمْر مِن فَرْط النّوَى وِيَمحّص اوهَامِي
ثمَلْ وَجْهَ الشّفَق حَسْرَة وصُوْت الآهـ فِي فَمّـه
يلَمْلِمْ من فُتَات النّـور رُوحٍ وجْهَهـا دَامِـي
وكَنّي والفرَاق المُـر يزِيْـد بخَافقِـي غَمّـه
ويغْرِسْ من سُؤَال الصّمْت لُوْعَة تثْمر آلامِـي
غَرِيْب يوَادِع احْبَابَه ويمسَـحْ دَمْعـه بكُمّـه
يسِجّ وخَافقَه طِيرٍ عَلى وِرْدِ الهَـوَى ظَامِـي

.
.
.
.

أعترف.. أعترف.. وبعد .. اعترف
وابتدأ المشوار أعمى
وأحتوانا وجه قصّه..
وللأسف لا زلت أظما
جفت كْفوف المدينة .. من وجودك
وقلت مره يا عسى يخضرْ عودك
ايتمايل كنسياب الدفء فيني
للحنين وللهيام .. وارتعاشات الكلام
للمسافه الضايعة..... بأقصى حدودك
في خفوقي .. للـ ورق \ للـ حبر \ للـ شعر
لاحتراق الصوت فيني .. للوعد بأوجاع شوقي
وابتدت قصة ومرسى .. ما وْصلَت لليم تسرد
أي حكاية ..أو تفاصيل البداية
واحتوانا صمت عابث والتقينا
وأبتدت صرخة مشااااااعر ..بصووووت شاعر
ينحر الوقت بـ جنونك ......ابـ جنونه ..
بعثر العتمة الأليمة ..دثّر الأشعار غيمة
وللأكيد لا ما فقدنا .. لحظةٍ كـ الغيث جانا..
من بعد قصه.. [ يتيمة ]

.
.
.
.

في غيبتك ..

يسكني احساسٍ حزين

ويبعدني عن شوفك يقين

اني في غيابك مو أنا ..!!

وانك مدارات السنين

.. في غيبتك ..

هذا الفضا أصبح يضيق

حتى الصدق ماله صديق

يعني على قول المثل :

الحي أبقى من الغريق .. !!

.
.
.
.

على نفس الرصيف اللي سرق أحلامنا وسافر
تعبت أرسم تفاصيلك حضور.. بـ زحمة غيابـك
كذا حتى الطريق اللي يوّقظ حبنـا ... هاجـر
لبس ثوب الغياب .. ولك رمى حزنه على بابك
ذبل وجه الصبح مسجون فيني بـ زحمة الخاطر
تحير ذا السؤال اللي شروقـه ضيّـع كتابـك
صَدق من قال ان الحب [ يتوّهـ كل حـد شاطـر ]
وأنا حظي معانـد مارضـى ينقـاد لـ أهدابـك

.
.
.
.

تعبت أرحل ..
من همومي , تعبت فراقنا اللي طال !
تعبت و طالت الكذبة..
تعبت الشوق يا خلي ..!
أنـا محتاجــه .. لك لحظه
و لحـظاتي طويلة بـال ..!
أنـا محتاجــه بس بعضك ..
و خذني لو تبي كلّي ..

.
.
.
.

ضــــــــــــايقْ ...!!..
والله ضايق...
وجروحي كثااااار
طاغي حضوري...!!
ويسرق الانظاااار
فيه الوجع يزهى...
وبـ الشمووخ إصراااار..!!
مليت تقليبــ...
ومن كثرة الاعذاااار..!!
ماتشوف...!!
صدق الدمع وشلووووون منهاااار..!!
رقيقٍ انت ....
وفي قسوتك سيف بتااار..!!
ذاب...
صبري .. ذااااابــ
وتبقى عزومي كباااار..!!
يومين ...شهرين ..عامين..!!
وموعدكـ بواااار..!!

.
.
.
.

كانـت /... أمانـي .. وانتهـت /... يـا جليلـة
...... كانت /... أماني عاصفة /... وسـط ..الأعمـاق
.
غصون الهوى /... ماهي /.. .عليـة ضليلـة
..... وشمس الولة /.. شحت /.. .عليّـه .. بـ الإشـراق
.
ابـ ارتحل /.. واطـوي /.. الـدروب .. الطويلـة
...... واعشق .. عيونك /.. لو حصل / .. بيننـا فـراق

.
.
.
.

.. ( تعجّـب ) ..

اللي بـ قلبي يعجز الشعـر شرحـه
موت الفرح والا مواعيد الأعياد..!!

.
.
.

.. / drook (:

**lil~sнαqαdαи** · 03-14-2008, 12:21 PM

رحلت و خطوتك ترسم على اعشاب الربيع هموووم ..
واعواد السنابل هدّها / حزني على ترابك ..!
عجزت ارسم على غيم الوداع وصالك المعدوم ..
وانا ألمح ‘ ما بقى , مـن دم يدّيني على بابك ..!
تخيّل ..! لا ذبل حيلي .. من اللوعه وقلّ النوم ..
تجيب عيوني اطيافك .. واشد الحيل .. واسهى بك ..!

كتير نااايس حبيبي

تسلم على الجهد الواضح

**D@Rk_GuY** · 03-14-2008, 01:47 PM

ولكم يا عسل

نورت الموضوع